أمطري يالسحابة وارعدي

أمطري يالسحابة وارعدي
واغسلي كل الشوارع من بقايا الأتربـه
وأمطري أكثر وأكثر ..
.. ولو سمحتي يا سحابهـ ..
دوري على كل البيوت .. واغسليهم بيت بيت
وإن حصل وشفتي قلبٍ من همومه انفطر
ما أوصيك يا سحابه .. اغسلي قلبه .. وخلي حزنه ينجلي
وان شفتي بسمه في شفاته ارحلي
بعدها بتلقينه ساجد يدعي ربه ويشكره
آآآهـ يـآ حلو المطر
أمطري يالسحابة وارعدي
واغسلي كل القلوب الحاقدة والزايفة ..
لونيها بالبياض وابعدي عنها السواد
ولا ترحلي يا سحابهـ أمطري أكثر وأكثر
اغسلي كل البلاد.. وامحي عنها السواد
اغسلي كل البلاد
وبالنهاية يا سحابهـ ولو بغيتي ترحلين ,, ارحلي
بس قبلهم زخي زخاتك قويهـ
أبي الفرح يملي البلاد..
وكل من في البيوت يدعي ربه ويشكره
صدق من قال المطر رحمه من رب العباد